காதல் சமையல்

தீயை தூண்டினாய்
தேவையானதை கொட்டினாய்
சிறிது கலக்கினாய்
கலக்கியதை ருசி பார்க்க வ்ரும்பினாய்
கொதித்ததை பரிமாற்றம் செய்ய நாடினாய்
உன்னவன் உனக்கே இருப்பதனை அறிந்தாய்
உனக்காக உள்ளவன் உன் ஆவலை நிறைவேற்ற
உணர்வோடு உன் ஆசையை நிறைவேற்றினான்

சமைத்தலில் சிறிது அணைத்தல் உண்டு
சமைத்தலில் சிறிது ருசித்தல் உண்டு
பரிமாறிய பின் அமுதமாய் இருப்பதும் இயல்பு
----------------------------------------------------------------------
பல்சுவை வேண்டும்
பல்வகை உணவு வேண்டும்
பல்வகை கவிதை வேண்டும்
பல்வகை கட்டுரை வேண்டும்
பல்வகை கோபம் வேண்டும்
பல்வகை நளினம் வேண்டும்
பல்வகை தேடுதல் நிறை வேற வேண்டும்

அனைத்தும் ஓரிடத்தில் வேண்டும்
அவைகள் கிடைப்பதும்
அவளிடத்தில் மட்டுமே வேண்டும்

வாழ்வை ரசிக்க வேண்டும்

 தன் குஞ்சு பொன் குஞ்சுதான்.

வீட்டில் குழந்தைகளுடன் அதிக நேரம் செலவிட வாய்ப்பு கிடைத்தால் அவர்களிடத்து பாசம் அதிகமாகும். அவர்களுக்கும் நம் மீது நேசம் மிகும். வீட்டில் இருக்கும்போது கணினியில் காலத்தை வெகு நேரம் செலவிடாமல் மனைவிக்கு உதவியாக இருக்கும்போது சமைக்கவும் தெரிந்துக் கொள்வது நல்லது. அதனால் மனைவிக்கு வீட்டு வேலை குறையும் .
சமைப்பதில் பொதுவாக பெண்கள் தங்கள் தாயிடம் கற்று வந்த சமையல் முறைதான் (அதிகமான பெண்களுக்குத்) தெரியும். ஆண்கள் அப்படியல்ல. எதிலும் புதுமை காண்பவர்கள்.அதனால் பலவகையில் சமைத்துக் கொடுப்பதில் ஆர்வம் காட்டுவர். சமையல் புதுமையாக இருப்பதால் வீட்டில் அனைவரும் உணவை விரும்பி சாப்பிடுவர்.