Thursday 16 April 2015

எதை எழுதுவது

எதை எழுதுவது
எதையாவது எழுது
எல்லாம் எழுதி விட்டேன்

எதைப் படிப்பது
எதையாவது படி
எல்லாம் படித்து விட்டேன்

அவள் அடுப்பங்கரை அவளுக்கே சொந்தம்
அவள் அடுப்பங்கரையில் அவளது வேலை தொடர
அவளது அடுப்பங்கரைப் பக்கம் வரக் கூடாதாம்

அவள் சொல்லவில்லை
எதையாவது விளையாடு
எங்கேயாவது விளையாடு
எங்கேயாவது விளையாடி விட்டு வந்து விடென்று
எங்கேயாவது விளையாடப் போனால் வருவதற்கு நேரமாகுமாம்

விடுமுறை விட்டதென்று மகிழ்வாய் இருக்க
வீட்டிலேயே அடைத்து வைக்க விரும்புகிறாள் அம்மா
நான் பாதுகாப்பாய் இருக்க
நான் வீட்டிலேயே அடைந்துக் கிடக்க வேண்டுமாம்
நான் பள்ளிக் கூடத்திலேயே அடைந்து இருக்கலாம்
நான் பள்ளிக் கூடத்தில் நிறைய நண்பர்களோடு விளையாடி இருக்கலாம்
நான் படிக்கும் பள்ளிக் கூடத்தில் விளையாடும் இடமில்லை
நான் படிக்கும் பள்ளிக் கூடத்தில் வகுப்பறையில்
ஓய்வு நேரத்திலேயே சில நேரங்களாவது விளையாடினேன்

விடுமுறை வேண்டாத நிலையை
அம்மாவின் பாதுகாப்பு அவசியமாக்கி விட்டது
Mohamed Ali

No comments:

Post a Comment