தவறு என்று அறிந்தும் தவறு செய்கிறோம்

உயிரற்ற ஊர்தியால் உயிரோடு உள்ள ஒருவர் மோதிச் சென்றதால்
உயிரோடு போராடிக் கொண்டிருந்தது ஓர் உடல்

உயிரோடு போராடிக் கொண்டிருந்தவரை பார்த்தவர் பலர்
உயிரோடு பார்த்தவர் பார்த்தும் பாராமல் போனார்

உதவ உள்ளம் இருக்க
உதவ முற்பட உயிர் பிரிந்தால்
உதவியதால் தொல்லைகள் வரும்
தொடர்ந்து நீதிமன்றம் வரச் சொல்லி தொல்லை கொடுப்பார்
தொடரும் என் பயணம் தடைபடும் நீதி மன்றத்தால்
தாமதமாகும் தீர்ப்புக்கு தொடர் பயணம் தொல்லை தரும்
தாமதமாகும் தீர்ப்பில் நீதி மறுக்கப்படும்
"Justice delayed is justice denied" is a legal maxim
தவறு என்று அறிந்தும் தவறு செய்கிறோம்

உயிரற்ற உடம்பு கிடத்தப்பட்டது
உயிருள்ள உறவு கலங்கியது

கிடத்தப்பட்ட காலம் கடக்காமல் புதைக்கப்பட்டது
கலங்கிய காலம் கடந்து போனது

காலம் கடந்தும் புதைக்கப் படாமல் விட்டால் நாற்றம் பரப்பும்
காலம் கடந்தும் புதைக்கப் பட்டவர் விட்டுச் சென்ற அறிவு மணம் பரப்பும்