தொடர்பை தொடர நேசம் தொடரும்

குறை கண்டால் நிறை இல்லை
நிறை கண்டால் குறை இல்லை

கிடைத்த நேரம் உயர்வானது
கடந்த நேரம் கனவானது

நாளாகும் நட்பை வளர்க்க
நிமிடம் போதும் நறுக்க

பார்வையை விட்டு அகல நேசம் மறையலாம்
தொடர்பை தொடர நேசம் தொடரும்

கடலும் மலையும் கடந்து இருந்தும் தொடர்பை சுருக்கவில்லை
கணினியும் தொலைக்காட்சி இணைப்பும் தொடர்பை நெருக்கி விட்டது

இதயம் ஒன்றிருக்க இணைப்பு ஒன்றிருக்கும்

உன்னை நினைத்தேன் நீ வந்தாய்

கனவும் நினைவும் ஒன்றுபட முடியுமா!
ஒரு காலகட்டத்தில் நெறிப்படுத்தும் நிகழ்வுகளாக அமைய வாய்ப்பும் உண்டு!

நீங்கள் எந்த உடல் தொடர்பு அல்லது கருவிகளின் பயன்பாடு இல்லாமல் மற்றொரு நபருக்கு தகவலை அனுப்பும் திறன் உங்களிடத்து ஒன்றி இருக்கும் சக்தி .இரண்டு உள்ளங்களில் ஒரே நேரத்தில் ஒரே மாதிரியாக ஏக்கமா! ஒடுக்கமா! ஒதுக்கமா! ஏமாற்றமா ! எதுவும் நடக்கும்.'உன்னை நினைத்தேன் நீ வந்தாய் ஆமாம் நானும் உன்னையே நினைத்தேன்'. இரண்டும் ஒரே நேரத்தில் நடக்கும் நிகழ்வு இது ஒரு மின்சார தொடர்பு . மின்னலாக வந்து மறையும். மன ஓட்டத்தில் புலன்கள் தொடர்பின்றி தன் உள்ளத்தில் உள்ள எண்ணங்களை செயல்படுத்துதல் நிலை வர இது தோன்றலாம்