இருட்டில் இருக்கிறது இதயம்

இருட்டில் இருக்கிறது இதயம்
இதயத்தில் இருக்கிறது மூச்சு
முச்சில் இருக்கிறது உயிர்
உயிரில் இருக்கிறது குடும்பம்
குடும்பத்தில் இருக்கிறது பாசம்
பாசத்தில் இருக்கிறது மகிழ்வு
மகிழ்வில் இருக்கிறது வாழ்க்கை
வாழ்கையில் இருக்கிறது நேசம்
நேசத்தில் இருக்கிறது நன்மை
நன்மையில் இருக்கிறது சுவனம்
சுவனத்தில் இருக்கிறது இறைவனது அன்பளிப்பு

இதயம் இருட்டாகிவிட்டதே
இறக்கம் இதயத்தை விட்டு அகன்று விட்டதே
அறிவிலும் இருட்டு சூழ்ந்து விட்டதே
பார்வை குறைந்து  இருட்டாகத் தெரிகின்றதே


இருட்டறையில் ஒளி பெற வேண்டும்
ஒளி பெற விளக்கு வேண்டும்
ஒளி கிடைத்து தூசி தெரிகின்றது
தெரியும் தூசியைத் துடைக்க துடைப்பான்  வேண்டும்
அத்தனையும் கிடைத்து அழுக்கை அகற்ற அறிவுடைமை வேண்டும்
அறிவைக் கிடைக்க கல்வியைப் பெருக்க  வேண்டும்
கல்வி கிடைத்தபின் அதனைப் பயன் படுத்தும் திறன் வேண்டும்
திறன் இருந்தும் செயலில் ஊக்கம் வேண்டும்
இத்தனையும் கிடைத்தாலும் இறைவனது அருளும் வேண்டும்
இறைவனது அருளுக்கு அவனை நன்றியோடு தினம் தொழுதல் வேண்டும்