Followers

Sunday, 11 May 2014

வழி விடு அவள் அவளாக வாழ வேண்டும்

அவளை விட்டு விடு
அவளை அவள் நோக்கத்திற்கு விட்டு விடு

அவள் பார்வையில் கடிவாளம் போட்டது போதும்
அவள் போகும் வழியில் வேலி போட்டது போதும்
அவளை அவள் நோக்கத்திற்கு விட்டு விடு

அவளை எத்தனை காலங்கள்தான்
அவளை உன் பார்வையோடு ஒன்றிப்போக
அவளை உன் சிறையில் அடைத்து வைப்பாய்

உன் வாழ்வை உயர்த்திக் கொள்ள
அவள் வாழ்வை உன் சிறையில் அடைத்து வைக்கிறாய்
உன் வாழ்வுக்கு எல்லை வகுத்துக் கொள்ள வில்லை
அவள் வாழ்வுக்கு எல்லை வகுக்கிறாய்

அவள் அறிந்தவள்
அவள் எல்லை அவள் அறிவாள்
அவளை அடைத்து வைத்தால்
அவள் அவளது எல்லையை அறியாமல் போகலாம்
அவளை விடு
அவள் அனைத்தையும் அறிந்து செயல்படட்டும்

உன் பார்வை மலரோடு நின்று விடுகின்றது
அவள் பார்வை மலருடன் அதன் மென்மையையும்
அவள் உணர்வு மலரின் வாசனையையும்
அவள் நோக்கம் மலரை சூட்டி மகிழவும் நாடுகின்றது
அவள் மலரின் மேன்மையை அறிந்தவள்
நீ மலரையும் காகித மலர்போல் பார்க்கிறாய்

அவளுக்கென்று ஓர் இதயம் உண்டு
அவளுக்கென்று ஓர் வழியுண்டு
அவள் வழியை அவளே அறிந்து விடுவாள்
அவள் வழியில் அவள் போகட்டும்
வழி விடு
அவள் அவளாக வாழ வேண்டும்

No comments:

Post a Comment