Followers

Saturday, 21 September 2013

ஆசையை முறைபடுத்தச் சொன்னது அறிவு


ஆசைப் பட ஆசை
ஆசைக்கு அளவே இல்லை

ஆசை நிறைவேற அசைவு தர ஆசை
ஆசை நிலைத்து நிற்க ஆசை

ஆசை அசைந்து வர ஆசை
ஆசைப் பட்டது விரைந்து வர ஆசை

ஆசை அற்ற நிலை தேக்கத்தை தருகின்றது
ஆசை பெற்ற நிலை வேகத்தை தருகின்றது

உயர உயர ஆசை
உயர்ந்தது உருவாக்க ஆசை

ஆசை உயிரோடு நிற்கிறது
ஆசை அற்ற நிலை உயிரை நிறுத்திக் கொள்வதில்லை

ஆசை பேராசையாக மாற வேதனை வந்து விட்டது
ஆசைப்பட்டதை அடைய அவதி வர விருப்பமில்லை

ஆசைப்பட்டதை அடைய உயர்வு தாழ்வு வந்து சேரும்
ஆசைப்பட்டால்தானே அசைவு யென்று ஒன்றிருக்கும்

ஆசையை உண்டாக்கிய மனது
ஆசையை முறைபடுத்தச் சொன்னது அறிவு

ஆசை நேசத்தோடு நிற்க மகிழ்வை சேர்ந்துக் கொண்டது
ஆசை இறை நேசத்தோடு நெருங்கி மாட்சிமை கொண்டது

1 comment:

  1. படிக்க படிக்க ஆசை... வாழ்த்துக்கள்...

    ReplyDelete