உதிர்ந்த இறகும் உயர்வடையும்

உதிர்ந்த இறகும் உயர்வடையும்

பறக்கும் பறவைக்கு
இறக்கை பறக்க உதவுகிறது
பறவை அலகால் இறக்கையை
அலசி பறந்து போகையில்
தனி இறகாய் ஓர் இறகு
தரையில் விழுந்தது

பறவை பறப்பதற்கு விழுந்த இறகு தேவையில்லை
விழுந்த இறகு விரும்பினாலும்
பறவையின் இறக்கையோடு இணைய வாய்ப்பில்லை

விழுந்த இறகு மண்ணில்
செரித்து மறித்துப் போகவில்லை


எழுதுவோர் மையைத் தொட்டு
எழதுகோலாய் ஆக்கினர் இறகை

படம் வரைவோர் நிறக் கலவையில் தோய்த்து
படம் வரைந்து படம் வரைய தூரிகையாய் பயன் படுத்தினர்

விளயாடுவருக்கு பந்தாக பயனாகி
பந்தை பறக்கச் செய்தது

தலையில் கிரீடம் அணிந்து
அழகாய் அதன் மீது நிறுத்தி
இறகை அழகு படுத்தி
இறக்கையை அழகு படுத்தினர்

ஒன்றிலிருந்து உதிர்ந்து
மற்றொன்றில் உயர்வு பெற்றது

ஒருவருக்கு ஒன்று பலனிக்காமல் போக
பலருக்கு அது பல வகையில் பயன்பெற்றது