எனக்கு பிடித்த ஒரு சொல்

எனக்கு பிடித்த ஒரு சொல்
உனக்கும் பிடித்திருக்குமென்று
எனக்கு பிடித்த உன்னிடம் சொல்ல
உனக்கு பிடிக்கவில்லையென்றால் ஒதுங்கி விடு
உனக்கு பிடிக்கவில்லையென்பதற்காக
ஓலமிட்டு ஊரை கூட்டுகின்றாய்
கூடிய மக்கள் அச்சொல்லின் உயர்வை அறியாரோ!

பொருத்தமான சொல்லை
பொருந்தியவளிடம்
பொருத்தமாக சொல்வதில் பெருமகிழ்வு
பொருளற்ற பல்லாயிரம் சொற்களை விட
பொருத்தமான காதலிக்கிறேன் என்ற சொல்
மேலானதாய் மனதில் பட்டது

காதலிப்பது தவறா
காதலை சொல்வதை தவறா
காதல் என்ற சொல்லே தவறா
ஊரைக் கூட்டி ஓலம் போடாதே

காதல் ஒன்று இல்லையனில்
உலகமே ஒன்றுமில்லாமல் போய்விடும்

 

Mohamed Ali