உயர உயர பறந்தாலும் இருக்குமிடம் வருவதுதானே இயற்கை

இன்று வாழ்த்துவாய்
நாளை சாடுவாய்
நாளைய மறுநாள் வரவேற்பாய்

இன்றோ
நாளையோ
நாளைய மறுநாளோ
காலமெல்லாம்
உன் ஈர்ப்பில்
என்னை இருக்கச் செய்து விட்டாய்
உன் மனோநிலை மாறும்
என் மனோநிலையைக் கண்டு
என் மனோநிலை
எக் காலமும் உன்னில் அடக்கம்

உன் மனதை
நான் அறிந்ததால்
நான் உன்னை
என் உள் மனதில் நிறுத்திக் கொண்டேன்
நீ என்னை ஒதுக்கினாலும்
ஒதுக்குவது தற்காலிகமானதே
என நான் அறிவேன்

உயர உயர பறந்தாலும்
இருக்குமிடம் வருவதுதானே இயற்கை
என்னை விடுத்து
எவ்விடம் செல்வாய்
என்பதனை நான் அறிவேன்