ஓதுவதை ஒருநாளும் நிறுத்த வேண்டாம்

படிக்கும் வரிகள் மறந்து போனது
படிப்பதற்கு பிரியம் குறைந்து போனது
பிரியம் குறையும் நிலையை முறையிட்டேன் அப்பாவிடம்

கரிவந்த பிரம்பு கூடையில் நீர் கொண்டு வரச் சொன்னார் அப்பா
இடைப்பட்ட தூரத்தில் கொண்டு வந்த நீர் கொட்டிப் போனது

மறுமுறையும் கொண்ட வரச் சொன்னார்
மறுமுறையும் கொண்டு வந்த நீர் கொட்டிப் போனது

அடுத்தடுத்து அதனை செய்யச் சொன்னார்
அடுத்தடுத்தும் அதே நிலையானது

அலுத்துப் போய் நின்ற போது கூடையின் மாற்றத்தை பார்க்கச் சொன்னார்
அழுக்கு நீங்கிய கூடையாக மாற்றம் வந்ததை பார்த்தேன்

ஒதுவது உயர்ந்தது
ஓதிய வரிகள் உன் நினைவிலிருந்து அகன்றுப் போகலாம்
ஓதிய வரிகளால் உன்னிடத்தில் மாற்றம் நிகழலாம்
ஓதிய வரிகளால் உன் மனதில் உள்ள அழுக்கு நீங்கும்
ஓதிய வரிகளின் உயர்வை அறிய
ஓதிய வரிகள் உன்னிடத்தில் உண்டாக்கிய மாற்றம் உயர்வாக்கி விடும்
ஓதுவது மறந்து போவதை நினைத்து
ஓதுவதை ஒருநாளும் நிறுத்த வேண்டாம்