ஒரே வழி இன்னும் உன்னிடம் உள்ளது

ஆனந்தத்தை அறுவடை செய்ய ஆளாக்கிக் கொண்டவன் நீ
துன்பத்தில் துவண்டு சுழல்பவன் நீ

சிறியதை பெரிதாக்க முயல்பவன் நீ
பெரிதானதை சிரிதாக்கியவனும் நீ

உன்னை உருவாக்கிய உயர்ந்தவனை மறந்தவனும் நீ
பணத்தை பெரிதாக நினைப்பவனும் நீ

அகங்காரத்தை தன்னகத்தே கொண்டவனும் நீ
உனைப் பெற்ற பெற்றோரையும் மறந்தவன் நீ

உனது நரம்புகள் உனது ஆணைக்கு உட்படாது
உன்னால் வந்தவர் உனை ஒதுக்கி நிற்பார்
உன்னையே நீ அறிவாய்
உனக்கு உதவ ஒருவரும் வர மாட்டார்
உழன்று பிரண்டாலும் போனது போனதுதான்

ஒரே வழி இன்னும் உன்னிடம் உள்ளது
ஓரிறைவன் கொள்கையை உயர்த்தி
உன்மனதில் நிறுத்தி வாழ்ந்திடு
ஓரிறைக் கொள்கை கொண்டதால்
உன்னையே நீ அறிந்துக் கொண்டாய்
உன்னிறைவனையும் புரிந்துக் கொண்டாய்
போகுமிடமும் விளங்கிக்  கொண்டாய்
சொல்லிகொண்டே இரு இறைவனின் பெயரை
திருக் கலிமாவின் மகத்துவத்தை அறிந்து செயல்படு
இறைவனின் மன்னிப்பை மனதோடு வேண்டிக் கொண்டே இரு
போகுமிடத்திலாவது (இறைவன் விரும்பினால்) நல்லதோர் இடம் கிடைக்கும்