நான் போலியாக வாழ விரும்பவில்லை

நான் விரும்பியபடி நான் வாழ்கிறேன்
நான் விரும்பியது தாழ்மையானதல்ல

நான் என்னை முறைபடுத்திக் கொண்டேன்
நான் எனக்கு தேவையான கல்வியைக் கற்றேன்

நான் நீங்கள் விரும்பியபடி வாழ விரும்பவில்லை
நான் நானாகவே இருக்க விரும்புகின்றேன்

நான் நீங்கள் விரும்பியபடி வாழ்ந்தால் உங்களுக்கு மகிழ்வை கொடுக்கும்
நான் விரும்பியபடி நான் வாழ்ந்தால் எனக்கு மகிழ்வை கொடுக்கும்

என் உணர்வுகளை
என் ஆசைகளை
நான் உங்களுக்காக கட்டுப் படுத்த
நான் மனதளவிலும்
நான் உடலளவிலும்
நான் பாதிக்கப் படுவேன்

நான் வளர்ந்தவன்
நான் வளர்த்துக் கொண்டவன்
நான் நானாக வாழ விடுங்கள்
நான் கொண்டிருக்கும் கொள்கையால்
நான் உங்கள் கொள்கைக்கு விரோதமானவனல்ல

எனக்கு வரும் நோய் உங்களுக்கு வர விரும்புவதில்லை
எனக்கு கிடைத்த ஞானம் உங்களுக்கு வரப் போவதுமில்லை
எனக்கு கிடைத்த ஞானத்தின் மீது உங்களுக்கு ஆர்வமுமில்லை
எனக்கு கிடைத்த ஞானத்தின் மீது மட்டும் உங்களுக்கு வருத்தம் வருவது ஏன் !

உங்கள் வழி வந்தவன்
உங்கள் வழியை தடை செய்யாமல்
உங்கள் வழி மாறுகிறேன்
எனக்கென ஒரு வழி அறிந்தமையால்